Siksa Kurung

"Siksa Kurung"

Sanajan dibekem..

Masih bisa ngagerem..

Gerem leuwih rosa..

Batan heurasna carita..

ngakaya jiwa..

tapi moal bisa ngagunasika pikiran mardika..

rohna ngalalana..

nyusupkeun geter-geter sungapan kamanusaan..

kana unggal sungsum,unggal renghapan..

ngeupeul peureup nembang durma

nyingraykeun kapetengan

najan salengkah kuring moal ingkah...

najan sakolebat kuring moal ngejat...

aya sababna kuring motah..

aya sababna kuring mijah.

ulah nuduh kanu jauh..

ulah nyawang kanu anggang..

moal jauh tina wujud..

moal anggang tina awak..

tina diri sorangan..

cirina satangtung diri.

Saban-saban robah mangsa..

ganti wanci ilang bulan kurunyung taun..

sok mineng kabandungan jelema...

sanajan ngalamun salaput umur...

kahayang patema-tema...

karep heunteu reureuh-reureuh..

manusa kadar rancana...

kabul aya tinu Maha Agung..

Laksana aya tinu Maha Kawasa...

created by : uhe insane (mohamad radjab cliemarcell)